Кын муыс 2050 во кежлӧ Арктикаса витӧд территория вылын сылас. Татшӧм кывкӧртӧд вӧчисны Заполярнӧй государственнӧй университетысь да Московскӧй государственнӧй университетысь учёнӧйяс КНР-ысь коллегаяскӧд Норильскӧ экспедиция бӧрын. Арктикаса климат вежсьӧм йылысь юӧртісны ЗГУ-са пресс-службаын.
Прогнозъяс серти, 2050 во кежлӧ нин мусин температураяслӧн шӧркодь значениеясыс кыптасны: мутасъяс,кӧні уна во мусинлӧн температураыс кутчысис -3, -4 градус тшупӧдын, вермасны дзикӧдз бырны. Уна вося кынмӧм грунтъяслӧн лыдыс и дзикӧдз чинас 1/5 вылӧ. Графикъяс серти кӧ донъявны, то шоныдджык лоӧ Норильскын да Став Красноярск крайын, сетӧ "Интерфакс".
Учёнӧйяс экспедиция дырйи туялӧмаӧсь торфлысь эрдсӧ, туялӧмаӧсь Лама ты, кӧні мырддьӧмаӧсь васӧ, медым тӧдмавны сэні органическӧй углеродсӧ. Таысь кындзи Найӧ босьтісны норильскӧй ю дорысь му веркӧсысь пробаяс. Заполярнӧй государственнӧй университетын котыртӧма автоматизируйтӧм датчикъяса уна дас кын скважинаысь система. Сідзжӧ эмӧсь туясян полигонъяс. Ставыс тайӧ сетӧ позянлун босьтны аслыспӧлӧс научнӧй мыччӧдъяс.
Ӧні учёнӧйяс водзӧ видлалӧны тавося августын ветлӧдлан уджъяс дырйи войвылын бӧрйӧм органикалысь образецъяс. Планируйтӧма нин мӧд экспедиция. Сійӧ лоӧ 2026 вося гожӧмын.
Создание сайтов