01.12.2022 08:00
Как мы уже сообщали, Усинские школьники и педагоги вошли в число призёров республиканского конкурса в области этнокультурного образования. 2 место в номинации "Лучшее творческое сочинение на тему "Моя любимая семья" заняла Яна Семяшкина, учащаяся 8 класса школы деревни Захарвань.
Предлагаем вниманию читателей "УН" конкурсную работу Яны, посвящённую любимой семье.
Менам муса котыр
Мича, медся паськыд Коми Республикалӧн Печора – матушка да неыджыд Денисовка ю костын, джуджыд креж вылын, сулалӧ менам ичӧтик чужан грезд – Захарвань.
Ме, Семяшкина Яна Леонидовна, чужи йирым тӧлысь дас сизимӧд лунӧ кык сюрс кӧкъямысӧд воын Коми Республикаса Усинск районса Захарвань грездын. Велӧдча кӧкъямысӧд классын.
Менам котыр ыджыд. Бать-Семяшкин Леонид Алексеевич уджалӧ электрикӧн, мам – Мария Александровна, ичӧтджык чой – вок. Матвей велӧдчӧ витӧд классын, а Есения – коймӧ классын. Пӧч - Татьяна Дмитриевна, нэмсӧ уджалịс велӧдысьӧн, поль - Алексей Иванович вӧлӧма сварщикӧн, ыджыд мам тшӧтш уджалӧ миян школаын коми кыв велӧдысьӧн, ыджыд ай - кӧтельнӧйын.
Менам батьсянь пӧч, Семяшкина Татьяна Дмитриевна, туялịс верӧслысь рӧдвужсӧ. Менам прадед, Семяшкин Иван Афанасьевич висьтавлӧма, мый сылӧн пӧльыс – Иван Захарович, ыджыдджык дас ӧти арӧса Опонь пиыскӧд, медводдза Евдокия гӧтыр кувсьӧм бӧрас, лямпаӧн кайӧма Печора – матушка ю кузя Изьва районса Вертеп грезсянь звер – пӧткаа местаяс корсигмоз. Сэк сịйӧ аддзӧма Денисовка ю усянịнысь мича, гажа, озыр чери – пӧткаа места.
Креж йылӧ вӧчӧмаӧсь вӧр керка, а сюрс кӧкъямыс- сё кӧкъямысдас ӧкмысӧд воӧ катӧдӧма ичӧт Закар писӧ, Фекла Кириповна мӧд гӧтырсӧ Денисовка – ю – вом Усть – Денисовка грездӧ и вӧлӧма медводдза олысьӧн. (Та йылысь гижӧма Опонь пиыс «Евангилея» небӧгӧ) Иван Захарович кувсьӧм бӧрын, сюрс ӧкмыссё витӧд восянь грездсӧ нимтӧмаӧсь медводдза олысь серти - ЗАХАРВАНЬ.
Опонь прапрапӧльлӧн сюрс кӧкъямыссё ӧкмысдас квайтӧд воӧ чужлӧма медводдза Маря ныв, сы бӧрын Матрёна, Фёдор, Марфа, Анна, Елена , Александр, Иван. Куимнан пиыс ветлịсны дорйыны ас чужан му Ыджыд тыш дырйи, Александр пиыс кӧнị вӧлị усьӧма чорыд тышъяс дырйи.
Менам батьлӧн квайт чой – вок. Медыджыдджык Иван дядь олӧ ас котырӧн Ненецкӧй национальнӧй округса Харей – вӧр посёлокын. Тьӧтъяс олӧны и уджалӧны Захарвань грездын, налӧн ставлӧн асланыс котыр. Ольӧ пӧльлӧн кӧкъямыс чой – вокысь сӧмын медịчӧт Люба чойыс верӧс сайӧ петавлӧм бӧрын мунӧма ас котырӧн Усинск карӧ. А квайтӧныс пенсияӧдз уджалịсны и олӧны ас ичӧт чужан му вылын, Захарвань грездын.
Ме зэв ёна радейта ассьым котырӧс, вылӧ пукта найӧс. Кӧсъя, мед некор оз быр менам радейтана котыр.
ДРУГИЕ НОВОСТИ ЧИТАЙТЕ ЗДЕСЬ
Комментарии
Комментариев пока нет
Создание сайтов